1
Carle, quid obstrusas sapientum quaerere mentes,
Quid properas tetricos consuluisse senes?
Te decet exactos mordaci claudere versus
Pumice, delitias et celebrare tuas;
5Ut cantata novo se carmine iactet amica,
Subiiciatque leves nuda Thalia iocos.
Par est nequitia iuvenes gaudere proterva,
Hanc Venus aetatem vindicat ipsa sibi.
Si sapis ergo, graves procul o procul exige chartas:
10Non facit aetati musa severa tuae.
Vince philetaeos molli cum carmine lusus,
Invideat teneris Graecia docta modis.
Sic tibi purpurea geminus cum matre Cupido
Imponet meritae myrtea serta comae;
15Aeternamque feres super aurea sidera famam,
Quae tibi post cineres sola superstes erit.
This text is part of:
Click on a word to bring up parses, dictionary entries, and frequency statistics
1 Carolo Marsupino
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.