1.
Urbs opulenta viris et fertilis ubere glebaeQuam non Hybla thymo, non aequent palmite Thebae,
Optima lina ferens Sacci nascentia Plebe,
Fons insignis equis vel te vel Arione, Thebe,
5Cum pulsata vicem non possis reddere, debe.
Nam si prisca tuis det tempora patribus Hebe,
Et sit in ancipiti melior constantia plebe,
Et socient animos sociantes labra, Cybebe,
Nil Antenoridis oberit cum gurgite Phoebe,
10Immo salem coges intra sua limina, Phoebe.
At tu qui patrio certas pro iure, Chorebe,
Dulcis Aselle Lupo, virtutis amator ephebe,
Qua potes, adversis obstantia pectora praebe,
Te decet esse virum. Seu clamat copia be be,
15Si quid habes pulcrum chordis impelle, rebebe,
Si nihil aut nostri carmen tibi displicet ebe,
Sive latere velis clipeum, collectus in hebe,
Cum reliquos hebetent turpia, turpis hebe.
2.
Lingua susurrantis, funesti schismatis est fax;Veridici sermo, sapiens quem temperat, est pax.
Quem Venus aut Bacchus aut alea decoquit, est fex:
Qui domat haec animo, moderati pectoris est rex.
5Effuge quem nosti vitiatum sordibus: est pix;
Elige quem cernis radiantem moribus: est nix.
Si nitet in pravo facundia, civibus est nox;
In sapiente viro, patrii firmaminis est vox.
Femina si fuerit mulier, tolerantibus est crux;
10Si fuerit phoenix, domui mirabilis est lux.