1. ad Oliverium Palladium, a. 1472
Cum tibi sydereae sedem promiserit aulaeIuppiter, unde tuis saepe vocandus eris,
Protinus aurato fulgentia marmore tecta
Aedificas, summo culmina digna Iove.
5Gratus es et Superis magno pro munere terram
Proque polo reddis hanc, Federice, domum.
2. ad Oliverium Palladium, a. 1472
Altera iam redeunt vacuae suspiria mentis,Quaesita est oculis altera cura meis:
Hei mihi quam saevae surgunt in pectore flammae
Impressumque novo vulnere vulnus hiat!
5Non satis Evandri veterem liquisse suburram,
Qua vinctus dominae regna superba tuli;
Non satis arctoi venisse ad frigora caeli,
Nosset ubi Latium femina nulla virum:
Hic quoque languentes longo discrimine vires
10In sua purpureus bella citavit Amor.
3. de Alexi
Hippolytum terris, Phrygium celebravit OlympoPrisca fides; illum moribus, hunc facie.
Quam longe celebrandus hic est, qui corpore in uno
Hippolytum nobis cum Ganymede refers!